ភ្នំពេញ៖កម្លាំងនគរបាលខណ្ឌប្ញស្សីកែវបានចាប់ជនសង្ស័យ៣នាក់ករណីលួចម៉ូតូនៅផ្លូវជាតិលេខ៥ភូមិ២ សង្កាត់ច្រាំងចំរេះទី១ ខណ្ឌឫស្សីកែវកាលពីយប់ថ្ងៃទី២៦ ខែឧសភា។
សមត្ថកិច្ចបានឱ្យដឹងថា ជនសង្ស័យ-ឈ្មោះ ម៉ីត មូស្លីម អាយុ២៣ឆ្នាំ ស្នាក់នៅសង្កាត់ច្រាំងចំរេះទី១-ឈ្មោះឈា ញ៉ាញ់ អាយុ២០ឆ្នាំនិង-ឈ្មោះ សេន ស្មាវី អាយុ១៧ឆ្នាំ នៅ សង្កាត់ច្រាំងចំរេះ២ ខណ្ឌឫស្សីកែវ ទាំង៣នាក់ខាងលើមានសារធាតុញៀន។
ចំណែកម្ចាស់ម៉ូតូឈ្មោះ សុះ តហៀត អាយុ៣៤ឆ្នាំ ជនជាតិខ្មែរអ៊ិស្លាមជាគ្រូបង្រៀននៅ ភូមិ២ សង្កាត់ច្រាំងចំរេះទី១ ។សម្ភារបាត់បង់មានម៉ូតូ១គ្រឿងម៉ាកហុងដាឌ្រីម សេ១២៥ ផ្លាកលេខត្បូងឃ្មំ 1I-6803 ។ក្រោយពីទទួលបណ្តឹងសមត្ថកិច្ចបានស្រាវជ្រាវកំណត់អត្តសញ្ញាណរហូតឈានដល់ចាប់ជនសង្ស័យ៣នាក់នៅសង្កាត់ច្រាំងចំរេះ១ រួចនាំទៅសួរនាំនិងចាត់ការតាមនីតិវិធី៕
