កំពង់ចាម៖ភ្លើងដែលផ្តើមពីការឆ្លងចរន្តអគ្គិសនីនៅក្នុងផ្ទះឈើមួយខ្នងបណ្តាលឱ្យឆេះអស់ទាំងស្រុង,រថយន្តមួយគ្រឿងនិងសម្ភារប្រើប្រាស់ជាច្រើនទៀត។
មន្រ្តីនគរបាលបានឱ្យថា គ្រោះអគ្គិភ័យនេះបានកើតនៅក្នុងភូមិព្រែកដើមចាន់ សង្កាត់សំបួរមាស ក្រុងកំពង់ចាមកាលពីរសៀលថ្ងៃទី១១ ខែមីនានេះ។ប៉ុន្តែនៅក្នុងហេតុការណ៍ភ្លើងឆេះផ្ទះនោះមិនប៉ះពាល់គ្រោះថ្នាក់ដល់អាយុជីវិតមនុស្សទេ។
ផ្ទះដែលត្រូវភ្លើងឆេះសល់តែគ្រោងឆ្អឹង និងជណ្តើរថ្មមានទំហំ៧ម៉ែត្រគុណ១២ម៉ែត្រសង់អំពីឈើប្រក់ក្បឿង ជាកម្មសិទ្ធិរបស់ស្រ្តីមេម៉ាយវ័យ៥៧ឆ្នាំនៅខាងមុខសាលាសង្កាត់សំបួរមាស ។រថយន្តដែលត្រូវឆេះអស់ដែរនោះម៉ាកព្រុស ព្រមទាំងទ្រព្យសម្បត្តិនិងកង់ចំនួន២គ្រឿងក៏ឆេះអស់ដែរ។ ចំណែកម៉ូតូ២គ្រឿងបានអ្នកជិតខាងជួយយកចេញទាន់។
អគ្គិសភ័យនេះសមត្ថកិច្ចបានជួយអន្តរាគមន៍មិនឱ្យឆេះរាលដាលទៅផ្ទះជិតខាងដោយប្រើរថយន្តបាញ់ទឹកចំនួន៧គ្រឿង៕
