ឆក់ទូរស័ព្ទបានសម្រេច តែជាប់ខ្នោះម្នាក់ គេចខ្លួន៣នាក់

ភ្នំពេញ៖ជនសង្ស័យ៤នាក់ជិះម៉ូតូពីរគ្រឿងឆក់ទូរសព្ទពីស្ត្រីកំពុងធ្វើដំណើរលើកង់បីបានសម្រេច តែត្រូវម្ចាស់កង់បីបើកកៀរឱ្យដួលចាប់បានម្នាក់គេចខ្លួន៣នាក់។
ហេតុការណ៍នេះបានកើតឡើង នៅជិតសាលាប៊ែលធី សាខាផ្សារដើមថ្កូវ តាមផ្លូវ៤៨៨ ក្នុង ខណ្ឌចំការមន កាលពី រសៀលថ្ងៃទី ១៦ខែធ្នូ។ជនសង្ស័យម្នាក់ដែលសមត្ថកិច្ចចាប់បានឈ្មោះ លី ជាហេង ភេទប្រុស អាយុ១៧ឆ្នាំ។
ក្នុងករណីនេះស្ត្រីរងគ្រោះត្រូវបានបាត់បង់ទូរសព្ទទំនើបមួយគ្រឿងដែលបក្ខពួករត់យកបាត់ ខណៈសមត្ថកិច្ចបានដកហូតវត្ថុតាងរបស់ជនសង្ស័យបានម៉ូតូ១គ្រឿងម៉ាកហុងដាឌ្រីម ស៊េរី២០២១ ពាក់ផ្លាកលេខភ្នំពេញ 1HZ-3257 ៕