ពោធិសាត់៖នគបាលព្រហ្មទណ្ឌកាលពីល្ងាចថ្ងៃទី២៨ ខែវិច្ឆិកាចាប់ក្រុមចោរលួចម៉ូតូបាន៣នាក់ជាមួយវត្ថុតាងចំនួន៤គ្រឿងនៅក្នុងខេត្តពោធិសាត់។
សមត្ថកិច្ចបានឱ្យដឹងថា កម្លាំងនគបាលខេត្តជាមួយនគបាលក្រុងពោធិ៍សាត់បានចុះស្រាវជ្រាវឈានដល់ចាប់ខ្លួនក្រុមចោរលួចម៉ូតូមួយក្រុមចំនួន៣នាក់។
ជនសង្ស័យឈ្មោះរិទ្ធ ដែន អាយុ ៣៧ឆ្នាំ ឈ្មោះឈម ពយ អាយុ១៧ឆ្នាំនិង៣.ឈ្មោះ យឿន ចាន់រ៉ា អាយុ៣៥ ឆ្នាំ។ពួកគេរស់នៅភូមិកោះកែវ ឃុំត្រពាំងជង ស្រុកបាកាន ខេត្តពោធិ៍សាត់។មុនឈានដល់ការចាប់ខ្លួននៅត្រង់ផ្លូវជាតិលេខ៥មានជនសង្ស័យ២នាក់ជិះម៉ូតូមកលួចយកម៉ូតូ ម៉ាកហុងដា សេ១២៥ផ្លាកលេខ ភ្នំពេញ 1A5134 ជារបស់ឈ្មោះឡាយ គន្ធា ភេទស្រី អាយុ ៤១ ឆ្នាំពេលម្ចាស់ចតម៉ូតូទុកមិនបានដកសោ។ផ្នែលជំនាញបានស្រាវជ្រាវរហូតរកឃើញម៉ូតូ ដល់ទៅ៣ គ្រឿងទៀត។
ជនសង្ស័យទាំង៣នាក់មានម្នាក់ជាអ្នកទទួលផលចោរកម្មដែលសមត្ថកិច្ចដកហូតម៉ូតូប្រភេទហុងដាចំនួន៤ គ្រឿង។បច្ចុប្បន្ន ជនសង្ស័យទាំង៣នាក់និងម៉ូតូ៤គ្រឿង ត្រូវនគរបាលរៀបចំសំណុំរឿងនឹងបញ្ជូនទៅតុលាការដើម្បីចាត់ការតាមនីតិវិធី៕
