ភ្នំពេញ៖បុរសម្នាក់ទំនងស្រវឹងបានបើករថយន្តក្នុងល្បឿនលឿនទៅបុករថយន្តមួយគ្រឿងទៀតបណ្តាលឱ្យរងការខូចខាតធ្ងន់ធ្ងរ។
គ្រោះថ្នាក់ចរាចរណ៍នេះបានកើតឡើងនៅត្រង់ច្រកចូលវត្តគោកខ្សាច់ ក្នុងសង្កាត់ភ្លើងឆេះរទះ ខណ្ឌកំបូល កាលពីយប់ថ្ងៃទី១៦ ខែវិច្ឆិកា។មុនកើតហេតុមានរថយន្តម៉ាកស្តារិចបើកតាមផ្លូវជាតិលេខ៣ ស្រាប់តែមានរថយន្តម៉ាកព្រូសផ្លាកលេខភ្នំពេញ2BB.0394 ក្នុងស្ថានភាពស្រវឹង មកពីក្រោយយ៉ាងលឿនបានបុករថយន្តស្តារិចពេញទំហឹងបណ្តាលឱ្យរថយន្តបង្កខូចខ្ទេចមួយកំណាត់មុខ។រីឯរថយន្តស្តារិចខ្ទេចផ្នែកខាងក្រោយតែមិនមានអ្នករងរបួសធ្ងន់ធ្ងរទេ។
បន្ទាប់មកសមត្ថកិច្ចជំនាញ បានចុះ វាស់វែងនិងយករថយន្តទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌកំបូលដើម្បីរង់ចាំការដោះស្រាយ៕
