ព្រះវិហារ៖កម្លាំងជំនាញខេត្តបានបង្រ្កាបករណីគ្រឿងញៀនចាប់ជនសង្ស័យបានម្នាក់ នៅចំណុចភូមិ ឡឥដ្ឋ សង្កាត់កំពង់ប្រណាកក្រុង/ខេត្តព្រះវិហារ នៅថ្ងៃទី២១ ខែតុលាឆ្នាំ២០២១។
សមត្ថកិច្ចបានឱ្យដឹងថា ក្នុងការចុះបង្ក្រាបនេះកម្លាំងជំនាញបានចាប់ជនសង្ស័យម្នាក់ឈ្មោះមុំ សុធា ភេទប្រុស អាយុ ២៣ឆ្នាំធ្វើជាងសិប្បកម្ម ស្នាក់នៅបណ្តោះអាសន្នភូមិឡឥដ្ឋ សង្កាត់កំពង់ប្រណាក ក្រុងព្រះវិហារ ។វត្ថុតាងចាប់យកបាន៖ម្សៅក្រាមពណ៌សថ្លា សង្ស័យជាសារធាតុញៀន ចំនួន ៥ កញ្ចប់-ទូរសព្ទ១គ្រឿង-ជញ្ជីង២ គ្រឿង-សម្ភារវេចខ្ចប់ និងសម្ភារប្រើប្រាស់គ្រឿងញៀនមួយចំនួន ។
បច្ចុប្បន្នជនសង្ស័យនិងវត្ថុតាងត្រូវបានកម្លាំងនគរបាលប្រឆាំងគ្រឿងញៀនខេត្តព្រះវិហារ កសាងសំណុំរឿងដើម្បីបញ្ជូនបន្ត៕
