បាត់ដំបង៖កម្លាំងនគរបាលខេត្តបាត់ដំបងបានចាប់ខ្លួនបុរសម្នាក់ករណីរំលោភសេពសន្ថវ:លើកុមារីអនីតិជនជាកូនស្រីរបស់ខ្លួន។
លោក ស គឹមឡុង អធិការនគរបាលស្រុកមោងឬស្សីបានឱ្យដឹងថា ជនល្មើសឈ្មោះ បូង ញឹម ភេទប្រុស អាយុ៦៦ឆ្នាំរស់នៅឃុំកកោះ ស្រុកមោងឫស្សី ខេត្តបាត់ដំបងបានចាប់ខ្លួននៅថ្ងៃទី៧ ខែ កក្កដា ឆ្នាំ ២០២១ យកមកកាន់អធិការដ្ឋាននគរបាលស្រុកដើម្បីសាកសួរ។
គួបញ្ជាក់ថា នៅថ្ងៃទី៧ខែ កក្កដា ឆ្នាំ ២០២១សមត្ថកិច្ចបានទទួលពាក្យបណ្តឹង ពីស្រ្តីជាម្តាយរបស់កុមារីរងគ្រោះ។ក្នុងពាក្យបណ្តឹងបានរៀបរាប់ពីសកម្មភាពរបស់ជនសង័្សយថាបានចាប់រំលោភកូនស្រីរបស់ខ្លួន ដែលជាអនីតិជន មានអាយុត្រឹមតែ ១៥ឆ្នាំប៉ុណ្ណោះកាលពីថ្ងៃទី៤ ខែ កក្កដា ឆ្នាំ ២០២១កន្លងទៅ។អំពើរំលោភកូនស្រីនេះពេលនាងទៅឃ្វាលគោនៅវាលស្រែ ។
សកម្មភាពនេះមិនត្រូវបាន ដឹងភ្លាមៗទេ ដោយសារជនសង័្សយគំរាមកំហែង មិនឱ្យកូនស្រី និយាយ រហូតដល់ថ្ងៃទី៧ ខែ កក្កដា ឆ្នាំ ២០២១ ទើបដឹង។
នៅចំពោះសមត្ថកិច្ចជនសង័្សយបានទទួលស្គាល់កំហុស រូបគាត់បានប្រព្រឹត្តទៅលើកូនស្រីមែន តែមិនបានសម្រេចដល់ទីជម្រៅទេ។តែទោះជាយ៉ាងនេះក្តី ជនសង្ស័យត្រូវនគរបាលស្រុកមោងឫស្សីកសាងសំណុំរឿងបញ្ជូនទៅជំនាញដើម្បីអនុវត្តតាមនីតិវិធី៕
