ក្រចេះ៖បុរសម្នាក់ទៅកាប់ឈើក្នុងចម្ការស្រាប់តែដើមឈើដួលរលំសង្កត់លើខ្លួនបណ្តាលឱ្យបុរសនោះស្លាប់ភ្លាម។ហេតុការណ៍នេះបានកើតឡើងក្នុងចម្ការត្រង់ស្រែល្វាភូមិអូរគ្រៀង ឃុំអូរគ្រៀង ស្រុកសំបូរ ខេត្តក្រចេះកាលពីរសៀលថ្ងៃទី១២ ខែឧសភាឆ្នាំ២០២១។
ប្រជាពលរដ្ឋបានឱ្យដឹងថា៖ជនរងគ្រោះឈ្មោះ ម៉ុច ធីន ភេទប្រុសអាយុ ៦២ឆ្នាំទីលំនៅភូមិអូរគ្រៀង ឃុំអូរគ្រៀង ស្រុកសំបូរ ខេត្តក្រចេះ ។ក្រោយកើតហេតុសាកសពត្រូវបានក្រុមគ្រួសារយកទៅធ្វើបុណ្យ៕
