កណ្ដាល៖កាលពីរសៀលថ្ងៃទី២៦ខែមេសាឆ្នាំ២០២១សមត្ថកិច្ចបានចាប់បុរសម្នាក់ក្នុថចាមណោមបក្ខពួក២នាក់ករណីលួចនៅភូមិព្រះប្រសប់ឃុំព្រះប្រសប់ស្រុកខ្សាច់កណ្តាលខេត្តកណ្តាល។
សមត្ថកិច្ចបានឱ្យដឹងថា៖ជនរងគ្រោះឈ្មោះ ទេព ប៊ុនចាន់ផល ភេទប្រុស អាយុ ៧៤ឆ្នាំនៅ ភូមិ ឃុំកើតហេតុ។សម្ភារបាត់បង់៖កាបូបស្ពៀយ១,ប្រាក់រៀល៥០.០០០រៀល,បន្តោងផ្លាកទីនទម្ងន់១ជី,ចិញ្ជៀនមាស១វង់ទម្ងន់៥ជី, ទូរស័ព្ទ១គ្រឿង ម៉ាកសាំសុង។
ជនសង្ស័យ ២នាក់៖១.ឈ្មោះ ជាន ម៉េងលី ហៅ ឃ្លីអាយុ ១៧ឆ្នាំជាកម្មករលើកឥដ្ឋនៅភូមិឃុំកើតហេតុ,ឈ្មោះ សើ អ័ងអាយុ ១៨ឆ្នាំកម្មករលើកឥដ្ឋនៅភូមិស្វាយដំណាក់ ឃុំស្វាយរមៀត ស្រុកខ្សាច់កណ្តាលកំពុងរត់គេចខ្លួន។
នៅចំពោះមុខសមត្ថកិច្ចឈ្មោះ ជាន ម៉េងលី បានសារភាពថា៖ខ្លួនពិតជាបានលួចយកកាបូបរបស់ជនរងគ្រោះជាមួយឈ្មោះសើ អ័ង ហើយឈ្មោះ អ័ង បានយកទូរស័ព្ទ និងចិញ្ជៀនទៅលក់ ។ចំណែកខ្លួនបានយកកាបូបទៅលាក់ទុកក្នុងព្រៃនគរបាលស្រុកបាននាំជនសង្ស័យ ទៅយកកាបូបនិងសម្ភារមកវិញ។ករណីនេះសមត្ថកិច្ច នគរបាលស្រុកខ្សាច់កណ្តាលអនុវត្តបន្តតាមនីតិវិធី៕
