រថយន្តសណ្ដោងរម៉កបើកលៀរម៉ូតូដួលបង្កឲ្យនារីម្នាក់ស្លាប់នៅស្រុកឧដុង្គ

កំពង់ស្ពឺ៖រថយន្តធំសណ្តោងរ៉ឺម៉កបើកកៀរម៉ូតូក្នុងទិសដៅស្របគ្នា ប៉ូតូក៏ដួលបណ្តាលឱ្យនារីម្នាក់ស្លាប់នៅលើផ្លូវជាតិលេខ៥១ ចន្លោះបង្គោលលេខ១២-១៣ ស្ថិតត្រង់ចំណុចភូមិត្រពាំងក្រសាំង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺកាលពីថ្ងៃទី១១ ខែមេសា ឆ្នាំ២០២១ ។
មន្ត្រីនគរបាលបានឱ្យដឹងថា៖ករណីគ្រោះថ្នាក់ចរាចរណ៍នេះបង្កពីរថយន្តធំម៉ាកហីណូពាក់ផ្លាកលេខ ភ្នំពេញ 3E.3280 សណ្តោងសឺមីរ៉ឺម៉កគ្មានផ្លាកលេខ អ្នកបើកបរមិនស្គាល់អត្តសញ្ញាណ(រត់គេចខ្លួន)។រថយន្តបានបើកទៅកៀរម៉ូតូម៉ាកហុងដាពាក់ផ្លាកលេខ ភ្នំពេញ 1HS.7972 បើកបរដោយឈ្មោះ ជា ចន្ទី ភេទស្រី អាយុ ១៩ ឆ្នាំ រស់នៅភូមិស្ទឹងថ្មី ឃុំបរិបូរណ៍ ស្រុកបរិបូរណ៍ ខេត្តកំពង់ឆ្នាំងបណ្តាលឱ្យដួលត្រូវរថយន្តកិនស្លាប់៕