ភ្នំពេញ៖រថយន្តធំដឹកទំនិញមួយគ្រឿងបើកបុកពីក្រោយម៉ូតូនិងកិនមនុស្សអូសជាង១០ម៉ែត្របណ្ដាលឱ្យបុរសម្នាក់ស្លាប់។ហេតុការណ៍នេះស្ថិតនៅគល់ស្ពានព្រែកជ្រៃ ក្នុងភូមិបារគូ សង្កាត់ដង្កោ ខណ្ឌដង្កោកាលពីវេលាម៉ោង២រសៀលថ្ងៃទី៩ខែមេសាឆ្នាំ២០២១។
សមត្ថកិច្ចបានឱ្យដឹងថា៖តៃកុងរថយន្តបង្កហេតុឈ្មោះ ប៉ក់ កវី ភេទប្រុស អាយុ២០ឆ្នាំ រស់នៅភូមិព្រៃតាម៉ៅឃុំគីរីចុងកោះ ស្រុកគិរីវង់ ខេត្តតាកែវ។ចំណែកសពជនរងគ្រោះមានឈ្មោះ ស៊ីម ចាន់ឌឿនភេទប្រុស អាយុ៣៥ឆ្នាំនៅភូមិពពេលឃុំខុនរ៉ងស្រុកបរិបូណ៍ខេត្តកំពង់ឆ្នាំង ។
ក្រោយកើតហេតុ សមត្ថកិច្ចបាន យករថយន្តបង្ក ព្រមទាំងតៃកុង និងម៉ូតូជនរងគ្រោះទៅកាន់ការិយាល័យនគរបាលចរាចរណ៍ជើងគោករាជធានីភ្នំពេញដើម្បីចាត់ការតាមច្បាប់៕
