ភ្នំពេញ៖រថយន្តប្រភេទបែនដឹកខ្សាច់មួយគ្រឿងសង្ស័យអ្នកបើកបរងោកទើបបើករេចង្កូតឡើងចិញ្ចើមបុករះចូលផ្ទះបងប្អូនប្រជាពលរដ្ឋ បាក់ខ្ទេចសំយ៉ាបអស់៣ល្វែង ខ្ទេចសម្ភារម៉ូតូ២គ្រឿង។បង្កឱ្យភ្ញាក់ផ្អើលកាលពីរសៀលថ្ងៃទី១ខែកក្កដាឆ្នាំ២០២០នៅតាមមហាវិថីឈ្នះឈ្នះភូមិសំរោងសង្កាត់សំរោងក្រោម ខណ្ឌពោធិសែនជ័យ ។រថយន្តបង្ក ម៉ាកនីសាន់ បែនកង់៦ ពណ៌ខៀវ ឆ្នូត ក្រហម ពាក់ស្លាកលេខ ព្រះសីហនុ 3A-1925 ដឹកខ្សាច់ បើកបរដោយយុវជនម្នាក់ ពាក់ក្រវិលពេញត្រចៀក ។
យុវជនបើកបររថយន្តវិញបានឱ្យដឹងថាមុនកើតហេតុគាត់បើកគេចពីម៉ូតូទើបជ្រុលចង្កូតបែបនេះ។យុវជនរូបនេះឡើងទៅសង្ងំដេកក្នុងកាប៊ីនរថយន្តបាត់។ក្រោយកើតហេតុសមត្ថកិច្ចមូលដ្ឋានជំនាញចុះទៅពិនិត្យផលទទួលរងប៉ះពាល់ឃាត់ជនបើកបររថយន្តបង្ក។ករណីខាងលើមិនបង្កឲ្យពលរដ្ឋរងរបួសឡើយ ៕
