ប្រទះឃើញគ្រឿងញៀនដែលជនសង្ស័យបោះចោលរួចជិះម៉ូតូគេចខ្លួនបាត់
កណ្ដាល៖សមត្ថកិច្ចដែលល្បាតនៅក្នុងមូលដ្ឋានបានប្រទះឃើញគ្រឿងញៀនដែលជនសង្ស័យបានបោះចោលរួចជិះម៉ូតូគេចខ្លួនបាត់។ករណីនេះបានកើតឡើងនៅផ្លូវលំភូមិគោកអណ្តែកឃុំស្អាងភ្នំ ស្រុកស្អាង ខេត្តកណ្តាលកាលពីរសៀល ថ្ងៃទី១៥ខែមីនាឆ្នាំ២០២១។
បន្ទាប់ពីប្រទះឃើញកញ្ចប់បារីសមត្ថកិច្ចឆែកឃើញមានម្សៅក្រាមពណ៌សថ្លា សង្ស័យជាគ្រឿងញៀន ប្រភេទមេតំហ្វេតាមីន ម៉ាទឹកកកចំនួន៣៧កញ្ចប់ធំចំនួន១កញ្ចប់ មធ្យមចំនួន៦កញ្ចប់ និងតូច៣០កញ្ចប់។
សមត្ថកិច្ចបានឱ្យដឹងថា៖ កម្លាំងប៉ុស្តិ៍នគរបាលរដ្ឋបាលស្អាងភ្នំ បាន ប្រទះឃើញជនសង្ស័យកំពុងជិះម៉តូម៉ាក Let’s ពណ៌ខៀវលាយស មិនចាំស្លាកលេខស្លៀកខោពណ៌ខ្មៅ ពាក់អាវយឺតដៃវែង ពណ៌ខ្មៅនិងពាក់ម៉ាស់ពណ៌តៃតង។សមត្ថកិច្ចហៅត្រួតពិនិត្យ តែភ្លាមនោះជនសង្ស័យបានបើកម៉ូតូរត់ ក៏បានបោះគ្រឿងញៀនចោលទៅលើដី។ចំពោះ វត្ថុតាងបានយកមករក្សាទុកនៅអធិការដ្ឋាននគរបាលស្រុកស្អាងដើម្បីអនុវត្តនីតិវិធី ៕