កណ្តាល៖រថយន្តនិងម៉ូតូបានបុកគ្នាបណ្តាលឱ្យ បុរសម្នាក់ស្លាប់នៅលើផ្លូវលេខ៧០Aក្នុងភូមិរកាកោង ឃុំរកាកោង១ ស្រុកមុខកំពូល ខេត្ដកណ្ដាល។កាលពីល្ងាចថ្ងៃទី៨ ខែមីនា ឆ្នាំ២០២១ ។
សាក្សីបានឱ្យដឹងថា៖មុនពេលកើតហេតុរថយន្តម៉ាកសាំងយ៉ុងពណ៌ទឹកប្រាក់ពាក់ស្លាកលេខ ភ្នំពេញ2BJ 4494 ធ្វើដំណើរ ពីភ្នំពេញទៅកំពង់ចាម។រថយន្តនេះ បានបុកជាមួយម៉ូតូម៉ាក P.C.X ពណ៌ស ពាក់ផ្លាកលេខភ្នំពេញ 1IG.6321 បើកបរដោយឈ្មោះផន វុទ្ធី ភេទប្រុសអាយុ៣២ឆ្នាំនៅភូមិកងតាណឹងទី៨ ឃុំកងតាណឹង ស្រុកកងមាស ខេត្តកំពង់ចាម បណ្ដាលឱ្យ ស្លាប់ភ្លាម ។
ក្រោយកើតហេតុកម្លាំងប៉ុស្តិ៍រកាកោង១និងជំនាញបានចុះទៅដល់កន្លែងកើតហេតុហើយបានពិនិត្យកន្លែងកើតហេតុ និងវាស់វែង រួចយករថយន្តនិងម៉ូតូ មករក្សាទុកនៅអធិការដ្ឋានគរបាលស្រុកមុខកំពូល។អ្នកបើកបររថយន្តបាន រត់គេចខ្លួនបាត់៕
