(បាត់ដំបង)៖ នៅថ្ងៃព្រហស្បតិ៍៨កេីតខែមិគសិរឆ្នាំខាលចត្វាស័កព.ស.២៥៦៦ត្រូវនឹងថ្ងៃទី០១ខែធ្នូ ឆ្នាំ២០២២វេលាម៉ោង៩និង៣០នាទីនៅចំណុចក្រុមទី០១ ភូមិច្រាបវាល ឃុំអន្លង់វិល ស្រុកសង្កែ ខេត្តបាត់ដំបង អុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកចុះប្រតិបត្តិការបង្ក្រាបបានករណី រក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែងដែលក្នុងកិច្ចប្រតិបត្តិការនេះសមត្ថកិច្ចឃាត់ខ្លួនជនសង្ស័យចំនួន០១នាក់ មានឈ្មោះ គៀង សុវណ្ណថង ភេទប្រុស អាយុ៣១ឆ្នាំ រស់នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
-*វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន០១ថង់ ទម្ងន់ ០,៩២ក្រាមសង្ស័យមានសារធាតុញៀននិងថង់ច្រករំលែកថ្នាំញៀនចំនួន ០៣។
-ដែកកេះកែច្នៃចំនួន០១
-នាឡិកាចំនួន០១
-ទូរស័ព្ទដៃចំនួន ០១គ្រឿង
-ម៉ូតូ ០១គ្រឿង ម៉ាកហុងដាឃ្លីក ពណ៌ស សេរីឆ្នាំ២០១៨ ស្លាកលេខបាត់ដំបង1Y-3849 លេខម៉ាសុីនCN125K-8023392។បច្ចុប្បន្នសមត្ថកិច្ចនគរបាលកំពុងកសាងសំណុំរឿងចាត់ការតាមនីតិវិធី ច្បាប់ហេីយ៕
