បន្ទាយមានជ័យ៖កម្លាំងអាវុធហត្ថបានចាប់ជនសង្ស័យប្រុសស្រី២នាក់ រួមទាំងវត្ថុតាងគ្រឿងញៀនមួយចំនួនធំ ត្រូវបានបញ្ជូនទៅតុលាការចាត់ការតាមច្បាប់កាលពីថ្ងៃទី២១ ខែឧសភា។
សមត្ថកិច្ចបានឱ្យដឹងថា កម្លាំងអាវុធហត្ថក្រុងសិរីសោភ័ណ ជាមួយអាវុធហត្ថខេត្តបានសហការបង្រ្កាបមុខសញ្ញាជួញដូរ និងប្រើប្រាស់គ្រឿងញៀន។ក្នុងនោះចាប់ជនសង្ស័យប្រុសស្រី២នាក់នៅផ្ទះសំណាក់មួយស្ថិតក្នុងសង្កាត់ព្រះពន្លា ក្រុងសិរីសោភ័ណ កាលពីថ្ងៃទី១៩ ខែឧសភា។
ជនសង្ស័យ-ឈ្មោះ វ៉ា វណ្ណី អាយុ ៤៧ឆ្នាំនៅភូមិភ្នំបាក់ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។ឈ្មោះ រិន សិលា ហៅសា ភេទស្រី អាយុ២២ឆ្នាំនៅភូមិសង្កាត់ជាមួយគញនា។ពេលឃាត់ខ្លួនកម្លាំងជំនាញដកហូតវត្ថុតាងមាន-ម្ស៉ៅក្រាមសថ្លាចំនួន៤៥ថង់-ប្រភេទគ្រាប់ចំនួន៤គ្រាប់-ម៉ូតូ១គ្រឿងម៉ាកហុងដាឌ្រីមផ្លាកលេខសៀមរាប1K-6534-ទូរសព្ទ៣គ្រឿង-ជញ្ជីងសម្រាប់ថ្លឹងគ្រឿងញៀន១គ្រឿងនិងសម្ភារសម្រាប់ប្រើប្រាស់នឹងបទល្មើសគ្រឿងញៀនមួយចំនួន៕
