ព្រះសីហនុ៖ ភ្លៀងនៅតែបន្តធ្លាក់ឥតឈប់ ធ្វើឱ្យតំបន់ទំនាបមួយចំនួននៅក្រុងព្រះសីហនុ និងទីតាំងមុខផ្សារវាលរេញស្រុកព្រៃនប់រងនូវការជន់លិច។កន្លែងធ្លាប់លិចវាបានលិចជាថ្មីទៀតដដែលទោះយ៉ាងណាសភាពពេលនេះមិនទាន់ធ្ងន់ធ្ងរអ្វីឡើយ។រីឯទំហំនៃផលប៉ះពាល់ឬគ្រោះថ្នាក់ផ្សេងៗមិនទាន់មានរបាយការណ៍បញ្ជាក់ពីអាជ្ញាធរមូលដ្ឋាននៅឡើយទេ។
កាលពីថ្ងៃទី២៧ខែកញ្ញាឆ្នាំ២០២០លោកគួចចំរើនអភិបាលខេត្តព្រះសីហនុនិងមន្ត្រីជំនាញពាក់ព័ន្ធ។បានចុះពិនិត្យមើលស្ថានភាពជាក់ស្តែងតំបន់លិចទឹកក្នុងភូមិសាស្ត្រក្រុងព្រះសីហនុដើម្បីដោះស្រាយបញ្ហាប្រឈម។លោកអភិបាលខេត្តក៏បានបញ្ជាឱ្យមន្ទីរជំនាញចាត់ចែងគ្រឿងចក្រ ចុះកាយបើកផ្លូវទឹក ដើម្បីរំដោះការជន់លិចនេះ ៕
