បាត់ដំបង៖ កាលពីថ្ងៃសុក្រ១រោច ខែមិគសិរ ឆ្នាំខាល ចត្វាស័កព.ស.២៥៦៦ ត្រូវនឹងថ្ងៃទី៩ខែធ្នូ ឆ្នាំ២០២២ វេលាម៉ោង២២និង៣០នាទីនៅចំណុចក្រុមទី១៧ ភូមិស្វាយកង់ឃុំអន្លង់វិល ស្រុកសង្កែ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងរួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកចុះប្រតិបត្តិការបង្ក្រាបបានករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង ដែលក្នុងកិច្ចប្រតិបត្តិការនេះសមត្ថកិច្ចបានឃាត់ខ្លួនជនសង្ស័យចំនួន០១នាក់ គឺឈ្មោះ លី រ៉ាវីត ភេទប្រុស អាយុ៣៦ឆ្នាំ រស់នៅភូមិវត្តតាមិម ឃុំអូរដំបង០១ស្រុកសង្កែ ខេត្តបាត់ដំបង ។
-*វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន០២ថង់ ទម្ងន់៤,៥៩ក្រាមសង្ស័យមានសារធាតុញៀន។
-ទូរស័ព្ទដៃចំនួន ០២គ្រឿង។
-កាបូបប្រាក់ចំនួន០១ និងប្រាក់រៀលចំនួន១០ម៉ឺនរៀល។
-ម៉ូតូ០១គ្រឿង ម៉ាកហុងដាស្គុបពី ពណ៌ក្រហមសេរីឆ្នាំ២០២២គ្មានស្លាកលេខមានលេខតួ-ម៉ាសុីនMLHJK0432N5232528។
នៅពេលនេះនគរបាលស្រុកបាននិងកំពុងរៀបចំសំណុំរឿងបញ្ជូនមកផែនជំនាញដេីម្បីចាត់ការបន្តតាមនីតិវិធី ច្បាប់៕
