បាត់ដំបង៖គ្រោះថ្នាក់ចរាចរណ៍រវាងរថយន្តទំនើបបើកបុកជាមួយម៉ូតូពេញទំហឹងបណ្តាលឱ្យបុរសម្នាក់បាក់ជើងរងរបួសធ្ងន់ធ្ងរត្រូវបានដឹកទៅសង្គ្រោះភ្លាមៗ។
ហេតុការណ៍នេះបានកើតឡើងនៅត្រង់ភូមិរំចេក៤ សង្កាត់រតនៈ ក្រុងបាត់ដំបងកាលពីរំលងអធ្រាត្រចូលថ្ងៃទី១៨ ខែវិច្ឆិកា។អ្នកឃើញហេតុការណ៍បានឱ្យដឹងថា ដំបូងមានម៉ូតូម៉ាកឃ្លីកផ្លាកលេខបាត់ដំបង 1AE-1465បើកពីលិចទៅកើត។
មកដល់កន្លែងខាងលើស្រាប់តែមានរថយន្តម៉ាកតូយូតា GS. 300 ផ្លាកលេខភ្នំពេញ2BB-2577 បើកក្នុងដំណើរបញ្ច្រាសគ្នាបានរេចង្កូតគេចជង្ហុកក៏ជ្រុលទៅបុកម៉ូតូពេញទំហឹងបណ្តាលឱ្យដួលបុរសម្នាក់បាក់ជើងរងរបួសធ្ងន់និងខូចខាតម៉ូតូយ៉ាងដំណំ។
ក្រោយមកសមត្ថកិច្ចបានចុះយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកខេត្តរង់ចាំដោះស្រាយពេលក្រោយ៕
