កំពង់ស្ពឺ៖រថយន្តធំម៉ាកហីណូដឹកដីបើកបុកស្រ្តីម្នាក់កំពុងឈរលើចិញ្ចើមផ្លូវហើយរេចង្កូតចូលបុករបងផ្ទះអ្នកភូមិបណ្តាលឱ្យមនុស្ស២នាក់រងរបួសធ្ងន់ត្រូវបានដឹកទៅមន្ទីរពេទ្យសង្គ្រោះបន្ទាន់។
មន្តី្រនគរបាលបានឱ្យដឹងថា គ្រោះថ្នាក់ចរាចរណ៍នោះបានកើតឡើងនៅផ្លូវលេខ១៤៣ ត្រង់ ភូមិត្រពាំងស្រង់ ឃុំស្គុះ ស្រុកសំរោងទង ខេត្តកំពង់ស្ពឺកាលពីរសៀល ថ្ងៃទី២១ ខែតុលា។រថយន្តបង្កម៉ាកហីណូផ្លាកលេខព្រះសីហនុ 3A-2312 ។
មុនកើតហេតុរថយន្តបានបើកពីជើងទៅត្បូង។មកដល់កន្លែងខាងលើបានបុកស្ត្រី ឈ្មោះ ជា ថុល អាយុ៤៣ឆ្នាំ រស់នៅភូមិស្វាយជ្រុំ ឃុំស្វាយជ្រុំ ស្រុកមេសាង ខេត្តព្រៃវែង កំពុងឈរលើចិញ្ចើមផ្លូវ។បន្ទាប់មករថយន្តបានជ្រុលទៅបុករបងផ្ទះឈ្មោះ ធួក វណ្ណៈ ភេទប្រុសអាយុ ៤៥ឆ្នាំ រួចរថយន្តបន្តទៅបុករបងផ្ទះ ឈ្មោះ ឯក ឆុំ ភេទស្រី អាយុ៨៥ឆ្នាំ កំពុងដេកលើអង្រឹង បង្កឱ្យគ្រោះថ្នាក់មនុស្សនិងមានការខូចខាតយ៉ាងដំណំ។ ចំណែកអ្នកបើករបរក្រោយកើតហេតុបានចុះរត់គេចខ្លួនបាត់៕
