ភ្នំពេញ៖ ជនសង្ស័យ៤ នាក់ ត្រូវកម្លាំងនគរបាលប៉ុស្តិ៍ទឹកថ្លានិងប៉ុស្ដិ៍ភ្នំពេញថ្មី ឃាត់ខ្លួននឹងចាប់យកថ្នាំញៀនចំនួន ៨ កញ្ចប់តូច។
ករណីនេះបានធ្វើឡើងនៅចំណុចផ្លូវលំភូមិបូរីកម្មករ សង្កាត់ទឹកថ្លានិង នៅផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខកាលពីរំលងអាធ្រាត្រចូលថ្ងៃទី៣១ ខែសីហា ឆ្នាំ២០២០ ។
ជនសង្ស័យ២នាក់ ឃាត់ខ្លួននៅប៉ុស្ដិ៍ទឹកថ្លា ទី១ ឈ្មោះ ប៉ក់ ពិសិដ្ឋ ភេទប្រុស អាយុ២៦ឆ្នាំ ។ទី២ ឈ្មោះ ម៉ែន វិច្ឆិកា ភេទប្រុស អាយុ៣៣ឆ្នាំ។ក្រោយឃាត់ខ្លួនសមត្ថកិច្ច(ដកហូតបានក្រាមសថ្លា៥កូនថង់តូច) ។ដោយឡែកជនសង្ស័យ២នាក់ ទៀតករណីរក្សាទុកដោយខុសច្បាប់នូវសារធាតុញៀន នៅប៉ុស្ដិ៍ភ្នំពេញថ្មី ដែលជនសង្ស័យទី៖ ១-ឈ្មោះ សៀង ហ៊ុន ភេទប្រុស អាយុ២០ឆ្នាំ,ទី២-ឈ្មោះ គុច វិចិត្រ ភេទប្រុស អាយុ២១ឆ្នាំ (ក្រាមសថ្លា៣កូនថង់តូច និងទូរសព្ទ័ដៃ២គ្រឿង) ។
បច្ចុប្បន្ន ជនសង្ស័យទាំ៤ នាក់ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕
