ភ្នំពេញ៖រថយន្តផ្លាកលេខខេមរភូមិន្ទបានបុករ៉ឺម៉កម៉ូតូដឹកទឹកផ្លៃឈើបណ្តាលឱ្យស្ត្រីម្នាក់រងរបួសធ្ងន់និងបង្កខូចខាតសម្ភារខ្ទេចខ្ទីអស់ជាច្រើន។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះបានកើតឡើងនៅតាមផ្លូវ២៧១ សង្កាត់ទំនប់ទឹក ខណ្ឌបឹងកេងកង កាលពីរំលងអធ្រាត្រចូលថ្ងៃទី៨ ខែមេសា ឆ្នាំ២០២២។មុនកើតហេតុបុរសម្នាក់បើករថយន្តឡិចស៊ីសRX 330 ផ្លាកលេខខេមរភូមិន្ទ 01 2-5146 បុករ៉ឺម៉កម៉ូតូដឹកទឹកផ្លៃឈើពេញទំហឹងបណ្តាលឱ្យស្ត្រីម្នាក់រងរបួសធ្ងន់និងខូចខាតសម្ភារជាច្រើន។
រថយន្តនេះក្រោយបុករ៉ឺម៉កម៉ូតូនៅទល់មុខនៃមន្ទីរពេទ្យរុស្ស៊ីរួចមិនព្រមឈប់ទេបានបើកបន្តទៅមុខដើម្បីគេចខ្លួន។លុះមកដល់ត្រង់គល់ស្ពានអាកាសស្ទឹងមានជ័យ ទើបសមត្ថកិច្ចឃាត់រថយន្តនិងចាប់ខ្លួនតែម្តង។អ្នកបើកបរទំនងជាស្រវឹង បានបើករថយន្តបង្កគ្រោះថ្នាក់បែបនេះ៕
