ភ្នំពេញ៖សមត្ថកិច្ចចាប់បានជនសង្ស័យម្នាក់ក្នុងចំណោមបក្ខពួក៤នាក់ដែលឆក់កាបូបបង្កឱ្យស្ត្រីម្នាក់ដួលបោកក្បាលស្លាប់កាលពីកន្លះខែមុនត្រូវបញ្ជូនទៅតុលាការ។
មន្ត្រីនគរបាលបានឱ្យដឹងថា នៅថ្ងៃទី២៩ ខែមករា កម្លាំងនគរបាលខណ្ឌបានចាប់ចោរឆក់ម្នាក់ក្នុងចំណោមបក្ខពួក៤នាក់នៅម្តុំផ្លូវរថភ្លើង ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ។ក្រុមនេះបានជិះម៉ូតូឆក់កាបូបលុយពីស្ត្រីម្នាក់កាលពីថ្ងៃទី១៥ ខែមករា ឆ្នាំ២០២២តាមផ្លូវសហព័ន្ធរុស្ស៊ី មុខអាកាសយានដ្ឋានអន្តរជាតិភ្នំពេញឱ្យដួលបោកក្បាលស្លាប់ពេលបញ្ជូនទៅសង្គ្រោះនៅមន្ទីរពេទ្យ។
បក្ខពួកទ៣នាក់ទៀតកំពុងរត់គេចខ្លួនមាន អាយុ១៧-១៨-និង១៩ឆ្នាំជាសិស្សស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ។ បច្ចុប្បន្នជនសង្ស័យឈ្មោះជុំ សុខបញ្ញាដែលចាប់ខ្លួន ត្រូវបានផ្នែកជំនាញរៀបចំសំណុំរឿងបញ្ជូនទៅតុលាការដើម្បីចាត់ការតាមនីតិវិធី។ជាមួនោះសមត្ថកិច្ចបន្តស្វែងរកចាប់បក្ខពួកបន្ថែមទៀតយកមកផ្តន្ទាទោសតាមច្បាប់៕
