បើកត្រាក់ទ័រក្រឡាប់ សង្កត់អ្នកបើកបរស្លាប់

ក្រចេះ៖បុរសម្នាក់បើកត្រាក់ទ័រធ្លាក់ជ្រោះបណ្តាលឱ្យក្រឡាប់សង្កត់ស្លាប់នៅហ្នឹងកន្លែងម្តុំក្រុមហ៊ុនចម្ការកៅស៊ូ វៀតណាម-កម្ពុជា ស្ថិតនៅភូមិគ្រញូងសែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ នៅថ្ងៃទី៨ ខែវិច្ឆិកាឆ្នាំ២០២១ ។
មន្ត្រីនគរបាលស្រុកស្នួលបានឱ្យដឹងថា៖ជនរងគ្រោះជាអ្នកបើកបរឈ្មោះម៉ាន វ៉ាន់ ភេទ ប្រុស អាយុ ៣០ឆ្នាំ ជាកម្មករក្រុមហ៊ុនចម្ការកៅស៊ូវៀតណាម-កម្ពុជានៅភូមិជ្រោះជ្រៅពោធិសាល ឃុំគ្រញូងសែនជ័យ ស្រុកស្នួលខេត្តក្រចេះ។បុរសនេះបានបើកបរត្រាក់ទ័រម៉ាក BELARUS ជ្រុលចង្កូតធ្លាក់ជ្រោះក្រឡាប់សង្កត់ស្លាប់តែម្តង។
គួរបញ្ជាក់ថា៖ សាកសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ ចំពោះ វត្ថុតាង៖ ត្រាក់ទ័រមួយគ្រឿង ខូចខាតធ្ងន់ បានយកមករក្សាទុក បណ្ដោះអាសន្ន នៅប៉ុស្តិ៍នគរបាលរដ្ឋបាល គ្រញូងសែនជ័យ៕