ភ្នំពេញ៖ បុរសម្នាក់បើករថយន្ត ford rangerបានរេចង្កូតទៅបុករថយន្ដកូរ៉េធុនធំពីក្រោយដែលចតលើចិញ្ចើមផ្លូវបណ្ដាលឱ្យអ្នកបើកបររងរបួសធ្ងន់រីឯរថយន្ដខូចខ្ទេចផ្នែកពីមុខ។
ហេតុការណ៍នេះបានកើតឡើងនៅតាមផ្លូវវ៉េងស្រេង ក្នុងសង្កាត់ចោមចៅ២ ខណ្ឌពោធិ៍សែន កាលពីរំលងអធ្រាត្រចូល ថ្ងៃទី២៧ ខែសីហា ឆ្នាំ២០២១ ។មុនកើតហេតុបុរសម្នាក់បើករថយន្ដ ទំនើបម៉ាកford ranger ពាក់ផ្លាកលេខកម្ពុជា S.B.9899 ក្នុងល្បឿនលឿន។មកដល់កន្លែងកើតហេតុ ក៏រេចង្កូតទៅបុក រថយន្ដកូរ៉េធុនធំពីក្រោយ បណ្ដាលមានអ្នករបួសធ្ងន់និងរងការខូចខាត រថយន្ដផ្នែកពីមុខ។
បន្ទាប់មកពេលសមត្ថកិច្ច ចុះមក វាស់វែងនិងយកមធ្យោបាយទាំងពីរទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំភាគីសងខាងចូលខ្លួនដោះស្រាយ៕
