បន្ទាយមានជ័យ៖រន្ទះបាញ់ក្មេងអ្នកស៊ីឈ្នួលដាំដំឡូងមី២នាក់នៅស្រុកស្វាយចេក ក្មេងប្រុសស្លាប់ក្មេងស្រីរបួសធ្ងន់។ឧបទ្ទហេតុនោះកើតឡើងកាលពីរសៀលថ្ងៃទី១ខែមិថុនាឆ្នាំ២០២០នៅត្រង់ចំណុចត្រពាំងក្រសាំងក្នុងភូមិខ្វាវកើតឃុំរលួសស្រុកស្វាយចេក ខេត្តបន្ទាយមានជ័យ។
លោកវរសេនីយ៍ឯកជាស្លូញអធិការនគរបាលស្វាយចេកបានឱ្យដឹងថា៖ជនរងគ្រោះស្លាប់មានឈ្មោះឡោមសុជាតិភេទប្រុសអាយុ១៥ឆ្នាំរស់នៅភូមិបែកចានថ្មីឃុំរលួសស្រុកស្វាយចេកខេត្តបន្ទាយមានជ័យ។ម្នាក់ទៀតរងរួសធ្ងន់ ហើយត្រូវបញ្ជូនទៅព្យាបាលនៅមន្ទីរពេទ្យបង្អែកស្រុកស្វាយចេកឈ្មោះ យិន ឈុនលី ភេទ ស្រី អាយុ១៨ ឆ្នាំ រស់នៅភូមិ ឃុំជាមួយគ្នា ។
លោកអធិការបានបន្តថា៖នៅមុនពេលកើតហេតុជនរងគ្រោះទាំង២នាក់បានទៅស៊ីឈ្នួលដាំដំឡូងមីឱ្យអ្នកជិតខាងក្នុងភូមិ។នៅពេលមេឃបានធ្លាក់ភ្លៀងពួកបាននាំគ្នារត់រកកន្លែងជ្រកក៏ត្រូវរន្ទះបាញ់ចំបណ្តាលឱ្យរងគ្រោះដូច្នេះ ៕
