កណ្ដាល៖កម្លាំងនគរបាលស្រុកខ្សាច់កណ្ដាលកាលពីរសៀលថ្ងៃទី២០ខែឧសភាឆ្នាំ២០២១ បានចាប់ជនសង្ស័យ៥នាក់ករណីជួញដូរនិងរក្សាគ្រឿងញៀន។ករណីនេះនៅភូមិល្វាឃុំព្រែកតាកូវ ស្រុកខ្សាច់កណ្តាល ខេត្តកណ្តាល ។
សមត្ថកិច្ចបានឱ្យដឹងថា៖បុរសទាំង៥នាក់,ឈ្មោះ វ៉ាន ភារ៉ូអាយុ២៥ឆ្នាំ,ឈ្មោះ បុល មករាអាយុ២១ឆ្នាំ,ឈ្មោះ វ៉ាន់ ឡាំ អាយុ២៣ឆ្នាំ,ឈ្មោះ ចែម បញ្ញាអាយុ២៨ឆ្នាំ,ឈ្មោះ កិន ជិនឡា អាយុ២៣ឆ្នាំអ្នកទាំង៥ នៅភូមិពុកឬស្សីកណ្តាល ឃុំពុកឬស្សី ស្រុកខ្សាច់កណ្តាល ខេត្តកណ្តាល ។
សមត្ថកិច្ចចាប់យកវត្ថុតាងមាន៖ថ្នាំញៀនប្រភេទមេតំហ្វេតាមីន២កញ្ចប់ទម្ងន់១៧,៧៥ក្រាម,ជញ្ជីងសម្រាប់ថ្លឹងគ្រឿងញៀន២គ្រឿង,ទូរស័ព្ទដៃ៤គ្រឿង,ម៉ូតូ២គ្រឿងឧបករណ៍ប្រើប្រាស់គ្រឿងញៀននិងសម្ភារសម្រាប់វេចខ្ចប់មួយចំនួន។បន្ទាប់មកនគរបាលបញ្ជូនជនសង្ស័យទាំង៥នាក់រួមជាមួយវត្ថុតាងមកកាន់អធិការដ្ឋានស្រុកខ្សាច់កណ្តាលដើម្បីបន្តនីតិវិធី៕
