បាត់ដំបង៖មន្ត្រីសាខាកាកបាទក្រហមខេត្តបានចុះសាកសួរសុខទុក្ខនិងចែកអំណោយមនុស្សធម៌ជូនដល់ពលរដ្ឋខ្មែរអ៊ិស្លាមដែលមានជីវភាពខ្វះខាតចំនួន៥គ្រួសាររស់នៅភូមិទួលជំភ្លូឃុំតាប៉ុនស្រុកសង្កែខេត្តបាត់ដំបងកាលពីថ្ងៃទី៩ខែកក្កដាឆ្នាំ២០២០។
លោកបណ្ឌិតប៊ុតគឹមស៊ានប្រធានគណៈកម្មាធិការសាខាកាកបាទក្រហមកម្ពុជាខេត្តបានពាំនាំនូវការផ្តាំផ្ញើសួរសុខទុក្ខនិងសេចក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាជូនដល់គ្រួសារទាំងអស់។ដោយគួសប្រសាសន៍ថាជានិច្ចកាលសម្តេចកិត្តិព្រឹទ្ធបណ្ឌិតប្រធានតែងតែគិតគូរយកចិត្តទុកដាក់ខ្ពស់ចំពោះសុខទុក្ខបងប្អូនប្រជាពល រដ្ឋដោយមិនប្រកាន់ពីនិន្នាការនយោ បាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ “ទីណាមានការលំបាកទីនោះមានកាកបាទ ក្រហមកម្ពុជា” ។
អំណោយមនុស្សធម៌ដែលបានចែកជូនមាន៖អង្ករ,មី,ឃីត១កញ្ចប់,ត្រីខ,ទឹកបរិសុទ្ធវីឃែរ,ថវិកា៥ម៉ឺនរៀលនិងសម្ភារប្រើប្រាស់ផ្ទះបាយមួយចំនួន៕
