រតនគិរី៖កម្លាំងអាជ្ញាធរក្រុងបានលុងដឹកនាំដោយលោក ងិន ណែល ជាប្រធានបានចាប់ជនសង្ស័យម្នាក់ ល្មើសនឹងបំរាមគោចររនៃរដ្ឋបាលខេត្ត និងពាក់ព័ន្ធករណីរក្សាទុកប្រើប្រាស់នូវសារធាតុញៀន។សមត្ថកិច្ចចាប់ជនល្មើសនៅមុខផ្ទះសំណាក់ តាំង នីហេង ស្ថិតនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរីកាលពីយប់ថ្ងៃទី២៣ខែមេសា ឆ្នាំ២០២១ ។
សមត្ថកិច្ចបានឱ្យដឹងថា៖ជនសង្ស័យមានឈ្មោះ សន ពិសិទ្ធ ភេទប្រុស អាយុ៤១ឆ្នាំជាយោធា រស់នៅភូមិ១ ឃុំត្រពាំងក្រហម ស្រុកកូនមុំ ខេត្តរតនគិរី ។ លទ្ធផលតេស្តរកសារធាតុញៀន គឺ វិជ្ជមាន(+) ។វត្ថុតាងដកហូតរួមមាន ៖ ម្សៅក្រាមពណ៌សថ្លា សង្ស័យជាសារធាតុញៀន ចំនួន១កូនថង់ទម្ងន់០.៣៤ក្រាមថ្លឹងទាំងសម្បកថង់,ម៉ូតូ១គ្រឿង , ទូរស័ព្ទ១ គ្រឿង ។
បច្ចុប្បន្នជនសង្ស័យ រួមទាំងវត្ថុតាងបានឃាត់ និងរក្សាទុកបណ្តោះអាសន្ន នៅអធិការដ្ឋានក្រុងបានលុង ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តរតនគិរី អនុវត្តតាមនីតិវិធី៕
