(ភ្នំពេញ) បន្ទាប់ពីទទួលបានព័ត៌មានពីប្រជាពលរដ្ឋក្នុងផេកស្នងការដ្ឋាននគរបាលរាជធានីភ្នំពេញ ទាក់ទងករណីជួញដូរ និងប្រើប្រាស់សារធាតុញៀន ក្រុមការងារព័ត៌មាន និងប្រតិកម្មហ័ស នៃស្នងការដ្ឋាននគរបាលរាជធានីភ្នំពេញ បានផ្តល់ព័ត៌មានឲ្យអធិការដ្ឋាននគរបាលខណ្ឌពោធិ៍សែនជ័យ ស្រាវជ្រាវករណីនេះ
នៅថ្ងៃទី១៧ ខែតុលា ឆ្នាំ២០២៣ វេលាម៉ោង ១៥:៣០នាទីរសៀល លោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ បានដឹកនាំបញ្ជាកម្លាំងស្រាវជ្រាវឈានដល់ឃាត់ខ្លួនជនសង្ស័យចំនួន០២នាក់ នៅភូមិជ្រៃកោង សង្កាត់ចោមចៅទី០២ ខណ្ឌពោធិ៍សែនជ័យ ពាក់ព័ន្ធករណីជួញដូរដោយខុសច្បាប់ នូវសារធាតុញៀន។
វត្ថុតាំងដកហូតរួមមាន ៖ ម្សៅសក្រាមថ្លាសង្ស័យជាសារធាតុញៀនចំនួន១៣កញ្ចប់ ក្នុងនោះ១កញ្ចប់ធំល្មម, សម្ភារៈវេចខ្ចប់មួយចំនួន, ឧបករណ៍ប្រើប្រាស់និងសម្ភារៈមួយចំនួនទៀត។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួននៅអធិការដ្ឋាននគរបាលខណ្ឌពោធិ៍សែនជ័យ បណ្តោះអាសន្ន ដើម្បីកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់៕