ភ្នំពេញ៖គ្រោះថ្នាក់ចរារណ៍ដោយរថយន្តទំនើបម៉ាកអូឌីបានបត់ឆ្លងផ្លូវ ត្រូវម៉ូតូមកពីមុខបុកពេញទំហឹងធ្វើឱ្យបុរសម្នាក់រងរបួសធ្ងន់។ហេតុការណ៍នេះកើតឡើងនៅតាមផ្លូវ២៦១ ស្ថិតក្នុងសង្កាត់បឹងសាឡាង ខណ្ឌទួលគោក កាលពីយប់ថ្ងៃទី៧ ខែកញ្ញា។
សាក្សីបានឱ្យដឹងថា មុនកើតហេតុគេឃើញរថយន្តទំនើបម៉ាកអូឌី ផ្លាកលេខភ្នំពេញ2BY-0188 បើកតាមផ្លូវលេខ២៦១ពីត្បូងទៅជើង។មកដល់កន្លែងខាងលើបានបត់ឆ្លងផ្ឡូវ ស្រាប់តែមានម៉ូតូម៉ាកXRIDE ផ្លាកលេខភ្នំពេញ1IT-8770 មកពីមុខក៏បុកពេញទំហឹងបណ្ដាលឱ្យដួលខាងម៉ូតូរងរបួសធ្ងន់ ត្រូវបានគេជួយដឹកទៅមន្ទីរពេទ្យសង្គ្រោះបន្ទាន់។
ក្រោយមកសមត្ថកិច្ចជំនាញបានចុះពិនិត្យហើយយករថយន្តនិងម៉ូតូទៅទុកនៅអធិការដ្ឋាននគរបាលខណ្ឌទួលគោកដើម្បីដោះស្រាយពេលក្រោយ៕
