បាត់ដំបង៖កាលពីថ្ងៃអាទិត្យ៥រោចខែកត្តិកឆ្នាំខាលចត្វាស័កព.ស.២៥៦៦ត្រូវនឹងថ្ងៃទី ១៣ ខែ វិច្ឆិកាឆ្នាំ២០២២ វេលាម៉ោង១៧និង០០នាទី នៅចំណុចក្រុម២០ ភូមិអូរស្រឡៅ ឃុំវត្តតាមិម ស្រុកសង្កែ ខេត្តបាត់ដំបង មានករណីអំពើលួច(លួចយកម៉ូតូ)មួយកើតឡើងដែលករណីនេះបង្កដោយជនសង្ស័យមិនស្គាល់ អត្តសញ្ញាណបានធ្វើសកម្មភាពលួចយកម៉ូតូរបស់ជនរងគ្រោះឈ្មោះ សៃ ស្រីពៅ ភេទ ស្រីអាយុ៣២ឆ្នាំ មានទីលំនៅក្រុម០១ ភូមិកំពង់ពិល ឃុំវត្តតាមិម ស្រុកសង្កែ ខេត្តបាត់ដំបង ដែលម៉ូតូម៉ាកហុងដាទ្រីម ស៊េរីឆ្នាំ២០២២ ពណ៌ខ្មៅ លេខតួ/លេខម៉ាស៊ីន ND១២៥ ME-៦៣៨៣៩១៣ ពុំមានស្លាកលេខ ជិះយកទៅបាត់។
បន្ទាប់ពីពេលកេីតហេតុជនរងគ្រោះបានប្តឹងចូលមកសមត្ថកិច្ចនគរបាលស្រុកសង្កែ ហេីយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងរួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារព្រហ្មទ័ណ្ឌ លោកវរសេនីយ៍ទោ យុត តុងហូ អធិការនគរបាលស្រុកសង្កែបានដឹកនាំកម្លាំងសហការជាមួយសមត្ថកិច្ចនគរបាលក្រុងបាត់ដំបងដែលមានលោកវរសេនីយ៍ឯក ពេជ្រ សារ៉ែន ជាអធិការនគរបាលក្រុង បានធ្វើការស្រាវជ្រាវស៊ើបអង្កេតរហូតឈានដល់ការឃាត់ខ្លួនបានជនសង្ស័យម្នាក់ឈ្មោះ ជា សុវណ្ណា ភេទប្រុស អាយុ៤១ឆ្នាំ មានទីលំនៅភូមិស្លក្រាម ឃុំវត្តតាមិម ស្រុកសង្កែ ខេត្តបាត់ដំបង នៅចំណុចក្រុងបាត់ដំបង ខេត្តបាត់ដំបងដោយនាំមកធ្វេីការសាកសួរស្រាវជ្រាវ។
នៅចំពោះមុខសមត្ថកិច្ចជនសង្ស័យឈ្មោះជា សុវណ្ណា បានឆ្លើយសារភាពថា រូបគាត់ពិតជាបានលួចយកម៉ូតូរបស់ជនរងគ្រោះដូចមានភិនភាគខាងលើពិតប្រាកដមែន ហេីយសមត្ថកិច្ចបានដកហូតម៉ូតូចំនួន០១គ្រឿងនេះមកវិញ។
ករណីនេះសមត្ថកិច្ចបានកសាងសំ ណុំរឿងបញ្ជូនអនុវត្តតាមនីតិវិធីច្បាប់រីឯម៉ូតូបានប្រគល់ជូនម្ចាស់វិញ៕
