ថ្លើមធំ!បុរសម្នាក់ហ៊ានចូលលួចម៉ូតូក្នុងរោងចក្រ
ភ្នំពេញ៖បុរសម្នាក់ពិតជាថ្លើមធំហ៊ានចូលលួចម៉ូតូដល់ក្នុងរោងចក្រត្រូវសន្តិសុខនិងពលរដ្ឋចាប់ឱ្យសមត្ថកិច្ចនៅភូមិត្រពាំងថ្លឹង៣ ខណ្ឌពោធិ៍សែនជ័យ កាលពីរសៀលថ្ងៃទី៣ ខែកញ្ញា។
បុរសង្ស័យឈ្មោះ សៀម សំ អាយុ២៨ឆ្នាំ។ចំណែកម្ចាស់ម៉ូតូឈ្មោះ សន សារឿន អាយុ៤២ឆ្នាំស្នាក់នៅ សង្កាត់សាក់សំពៅ ខណ្ឌដង្កោ ។ម៉ូតូដែលជននេះលួចម៉ាក ហុងដាឌ្រីមស៊េរីឆ្នាំ២០២១៩ ពាក់ផ្លាកលេខ ភ្នំពេញ 1HW-0644 ។
ក្រោយពីមកម៉ូតូបានប្រគល់ជូនម្ចាស់វិញហើយសមត្ថកិច្ចបានកសាងសំណុំរឿង បញ្ជូនជនសង្ស័យទៅផ្នែកជំនាញ នៃអធិការដ្ឋាននគរបាល ខណ្ឌពោធិ៍សែនជ័យ ដើម្បីចាត់ការបន្ត៕
