ក្រចេះ៖កម្លាំងនគរបាលក្រុងក្រចេះសហការជាមួយកម្លាំងប៉ុស្តិ៍រដ្ឋបាលកន្ទួតនៃនគរបាលស្រុកចិត្របុរីបានឃាត់ខ្លួនជនសង្ស័យម្នាក់ករណីអំពើលូចម៉ូតូនៅចំណុចភូមិអន្ទង់វៀនឃុំកន្ទួតស្រុកចិត្របុរី ខេត្តក្រចេះកាលពីថ្ងៃទី៤ ខែតុលាឆ្នាំ២០២០។
មន្ត្រីនគរបាលក្រុងក្រចេះបានឱ្យដឹងថាៈជនសង្ស័យម្នាក់ដែលឃាត់ខ្លួនឈ្មោះ ពឿន ភាព ភេទប្រុស អាយុ ៣២ឆ្នាំនៅភូមិ ជើងព្រៃ ឃុំផ្អាវ ស្រុកព្រៃឈរ ខេត្តកំពង់ចាម ។ចំណែកជនរងគ្រោះមានឈ្មោះ ចន សុខហ៊ាង ភេទប្រុស អាយុ៥៥ឆ្នាំ នៅសង្កាត់ក្រចេះ ក្រុង/ខេត្តក្រចេះ។ប្រភពបានបន្តថាៈ កាលពីថ្ងៃទី៤ខែតុលាឆ្នាំ២០២០ជនរងគ្រោះបានជិះម៉ូតូយកមកដាក់នៅក្រោមសំយ៉ាបដំបូលមុខផ្ទះនិងទុកកូនសោរនៅជាប់ម៉ូតូ។ក្រោយមកត្រូវបានជនសង្ស័យបានលួចយកទៅបាត់។
បន្ទាប់ពីទទួលបានព័ត៌មានភ្លាមកម្លាំងនគរបាលបានឃាត់ខ្លួនជនសង្ស័យម្នាក់នៅចំណុចភូមិអន្ទង់វៀន ឃុំកន្ទួតស្រុកចិត្របុរីខេត្តក្រចេះ។បច្ចុប្បន្ននេះជនសង្ស័យនិងវត្ថុតាងត្រូវកម្លាំងនគរបាលក្រុងក្រចេះបញ្ជូនទៅការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តដើម្បីចាត់ការតាមនីតិវិធីច្បាប់៕
