បាត់ដំបង៖ នៅថ្ងៃសុក្រ៦កេីតខែមាឃឆ្នាំខាលសត្វាស័កព. ស.២៥៦៦ត្រូវនិងថ្ងៃទី២៧ខែមករាឆ្នាំ២០២៣វេលាមោង ១៥និង ៣០នាទីនៅចំណុចក្រុមទី ៣០ភូមិព្រះពន្លា ឃុំរូងជ្រៃស្រុកថ្មគោល ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀនលោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំង ប៉ុស្តិ៍នគរបាលរដ្ឋបាល បឹងព្រីង និងរូងជ្រៃ នៃអធិការដ្ឋាននគរបាល ស្រុកបានចុះបង្រ្កាបករណី រក្សាទុក ដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែង ដែលសមត្ថកិច្ចបានឃាត់ខ្លួនជនសង្ស័យចំនួន០១នាក់ឈ្មោះ ប្រាក់ សៅរីភេទប្រុសអាយុ ៣១ឆ្នាំ ភូមិ ព្រះន្លា ឃុំរូងជ្រៃស្រុកថ្មគោល ខេត្តបាត់ដំបង។
-វត្ថុតាងចាប់យកបានរួមមាន៖
-ម្សៅ ក្រាមពណ៌សថ្លា ច្រកក្នុងថង់ ប្លាស្ទិកពណ៌សថ្លា ចំនួន៤៩ថង់ ទំងន់ ៤៧,២៦ក្រាម(ទាំងសំបក) សង្ស័យមានសារធាតុញៀន ។
-ទូរស័ព្ទដៃចំនួន០១គ្រឿងចាស់
នៅពេលនេះជនសង្ស័យសមត្ថកិច្ចកំពុងកសាងសំណុំរឿងបញ្ជូនមកផែនជំនាញចាត់ការបន្តតាមនិតិវិធីច្បាប់៕