បាត់ដំបង៖កាលពីថ្ងៃអង្គារ ៣កើតខែមាឃឆ្នាំខាលចត្វាស័ក ព.ស.២៥៦៦ ត្រូវនឹងថ្ងៃ ទី២៤ ខែមករា ឆ្នាំ២០២៣ វេលាម៉ោង១៤និង៣០នាទីនៅចំណុចភូមិព្រៃទទឹង០១ ឃុំបួវិល ស្រុកបវេល ខេត្តបាត់ដំបង អនុវត្តតាមយោបល់ដឹក នាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់ លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ឯក សុខ សារិន អធិការនគរបាលស្រុកបវេលបានដឹកនាំកម្លាំងជំនាញប្រឆាំងគ្រឿងញៀន រួមជាមួយកម្លាំងអន្តរាគមន៍នៃអធិការដ្ឋាននគរបាលស្រុកបវេលបានធ្វើការបង្រ្កាបករណីរក្សាទុកដោយខុសច្បាប់នូវសារធាតុញៀនក្នុងបទល្មើសជាក់ស្តែងដែលក្នុងនោះបានធ្វើការឃាត់ខ្លួនជនសង្ស័យចំនួន០១នាក់ ឈ្មោះ ផាត់ ចាន់រ៉ា ហៅសឺម ភេទប្រុស អាយុ៣៤ឆ្នាំ ជនជាតិខ្មែរ រស់នៅភូមិព្រៃទទឹង០១ ឃុំបួវិល ស្រុកបវេល ខេត្តបាត់ដំបង។
-ចាប់យកសម្ភារៈវត្ថុតាងរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិចថ្លាចំនួន០៦ថង់សង្ស័យមានសារធាតុញៀន ។
-ទូរស័ព្ទដៃចំនួន០១គ្រឿង។
ករណីនេះវត្ថុតាងនិងជនសង្ស័យនគរបាលស្រុកកំពុងកសាងសំណុំរឿងបញ្ចូនមកផែនជំនាញអនុវត្តបន្តតាមនិតិវិធី ច្បាប់៕(រូបភាពនគរបាលស្រុកបវេល)By kosal!@@@
