បាត់ដំបង៖កាលពីចន្ទ២កេីតខែមាឃឆ្នាំខាលចត្វាស័កព.ស.២៥៦៦ត្រូវនឹងថ្ងៃទី ២៣ ខែមករា ឆ្នាំ២០២៣ នៅវេលាម៉ោង ១៨និង១០នាទីនៅចំណុច ភូមិព្រែករុន ឃុំព្រែកគយ ស្រុកស្អាង ខេត្តកណ្តាល អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់របស់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌនិងដោយបានការសម្របសម្រួលលេីនីតិវិធី ពីឯកឧត្តម កែវ សុជាតិព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះ លោកវរសេនីយ៍ទោ ហេងបារាំង អធិការនគរបាលស្រុកភ្នំព្រឹក បានដឹកនាំកម្លាំងជំនាញអធិការដ្ឋាននគរបាលស្រុកភ្នំព្រឹក រួមសហការជាមួយកម្លាំងអធិការដ្ឋាន នគរបាល ស្រុកស្អាងនៃស្នងការដ្ឋាននគរបាលខេត្តកណ្តាល បាននាំខ្លួនជនសង្ស័យចំនួន០១ នាក់ ឈ្មោះ ភីរុន អ៊ូរ៉ ភេទប្រុស អាយុ ២៤ ឆ្នាំមានទីលំនៅភូមិឬស្សីស្រុក ឃុំខ្ពប ស្រុកស្អាងខេត្តកណ្តាល មុខរបរធ្វើចំការ ។
ការឃាត់ខ្លួននេះអនុវត្តតាមពាក្យបណ្តឹងរបស់ជនរងគ្រោះឈ្មោះ អឿន សំអាតភេទ ប្រុស អាយុ៥៤ ឆ្នាំ មានទីលំនៅភូមិដំណាក់ក្សាន្ត ឃុំបួរ ស្រុកភ្នំព្រឹកខេត្តបាត់ដំបង មុខរបរ ធ្វើចំការ បានប្តឹងជនសង្ស័យខាងលើ បានធ្វើសកម្មភាពលួច(ម៉ូតូ) របស់គាត់ ម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០២២ ពាក់ស្លាកលេខ បាត់ដំបង 1AP-4443 នៅចំណុច ភូមិដំណាក់ក្សាន្ត ឃុំបួរ ស្រុក ភ្នំព្រឹក ខេត្តបាត់ដំបង កាលពីថ្ងៃទី១៧ ខែមករា ឆ្នាំ២០២៣វេលាម៉ោង១២ និង០០ នាទី ហេីយគេចខ្លួនបាត់ពីមូលដ្ឋាន។
ក្រោយពីបានសាកសួររួច ជនសង្ស័យ ឈ្មោះ ភីរុន អ៊ូរ៉ ភេទប្រុស អាយុ ២៤ ឆ្នាំ មានទីលំនៅភូមិឬស្សីស្រុក ឃុំខ្ពប ស្រុកស្អាង ខេត្តកណ្តាល មុខរបរធ្វើចំការ បានឆ្លើយសារភាពថាខ្លួនពិតជាបានធ្វើសកម្មភាពលួច (ម៉ូតូ) របស់ជនរងគ្រោះឈ្មោះ អឿន សំអាត ភេទ ប្រុស អាយុ ៥៤ ឆ្នាំ បានសម្រេចចំនួន ០១ ដង នៅចំណុច មុខផ្ទះ របស់ជនរងគ្រោះ ស្ថិតនៅដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង កាលពីថ្ងៃទី១៧ ខែ មករា ឆ្នាំ២០២៣វេលាម៉ោងប្រមាណ ១២ និង ០០នាទី ពិតប្រាកដមែន។
បច្ចុប្បន្នជនសង្ស័យ និង វត្ថុតាង(ម៉ូតូ០១គ្រឿង)ខាងលើ សមត្ថកិច្ចបានបញ្ជូនមកកាន់អធិការដ្ឋាននគរបាលស្រុកភ្នំព្រឹក នៃស្នងការដ្ឋាននគរបាលខេត្តបាត់ដំបង ដើម្បីធ្វើការ សាកសួរ និង កសាងសំណុំរឿងបញ្ជូនមកផែនជំនាញ ដេីម្បីចាត់ការបន្តតាមនីតិវិធីច្បាប់ រីឯម៉ូតូបានប្រគល់ជូនម្ចាស់វិញ ៕