ពោធិ៍សាត់៖កម្លាំងនគរបាលស្រុកបានស្រាវជ្រាវតាមចាប់ជនស្ស័យម្នាក់ករណីលួចម៉ូតូនៅភូមិសម្ដេចយស ឃុំស្នាអន្សា ស្រុកក្រគរ ខេត្តពោធិ៍សាត់កាលពីរសៀលថ្ងៃទី៦ ខែកញ្ញា ឆ្នាំ២០២១។
មន្ត្រីនគរបាលបានឱ្យដឹងថា ជនដែលសមត្ថកិច្ចចាប់ខ្លួនឈ្មោះពុធ កាង ភេទប្រុស អាយុ ៣០ឆ្នាំ រស់នៅភូមិសំរោង ស្រុកក្រគរ ខេត្តពោធិ៍សាត់។សមត្ថកិច្ចដកហូតម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ផ្លាកលេខបាត់ដំបង 1U 4121។
ម៉ូតូនេះជាកម្មសិទ្ធិរបស់ឈ្មោះ ហេង ភន ភេទប្រុស អាយុ ៥២ឆ្នាំនៅភូមិពោធិ៍កំបោរ ឃុំវាល ស្រុកកណ្ដៀង។វត្ថុតាងម៉ូតូមួយគ្រឿងនេះបានប្រគល់ឱ្យម្ចាស់វិញ ចំណែកជនសង្ស័យសមត្ថកិច្ចបានបំពេញសំណុំរឿងបញ្ជូនបន្ត ៕
