ភ្នំពេញ៖សមត្ថកិច្ចខណ្ឌមានជ័យនៅព្រឹក៧ខែកញ្ញានេះបានបញ្ជូនជនសង្ស័យម្នាក់ករណី លួចដោះផ្លាកលេខរថយន្តជាច្រើនគ្រឿងដែលគេទុកចោល។
ជនសង្ស័យលួចដោះផ្លាកលេខរថយន្តដែលសមត្ថកិច្ចបញ្ជូនទៅតុលាការនោះ ឈ្មោះឆាយ ប៉ុក ហៅប៉ុក ភេទប្រុស អាយុ៤២ ឆ្នាំ ទីលំនៅផ្ទះលេខ ៥៦៦ ផ្លូវជាតិលេខ២ភូមិ ព្រែកតាគង់៣ សង្កាត់ចាក់អង្រែលើ ខណ្ឌមានជ័យ មុខរបរកម្មករសំណង់។
សមត្ថកិច្ចបានបញ្ជាក់ថា ពេលចាប់ខ្លួនរួមមានវត្ថុតាង៖ទួឡឺវីស១ដើម,សោរទីបអក្សរLលេខ៨ចំនួន១ ដើម, និងផ្លាកលេខរថយន្ត ភ្នំពេញ៣D-២៣៥៦ចំនួន២បន្ទះរបស់ឈ្មោះ វង្ស តុលា ភេទប្រុសអាយុ៣៦ឆ្នាំនៅ ខណ្ឌដង្កោ រាជធានីភ្នំពេញ ។
បច្ចុប្បន្នជនសង្ស័យឈ្មោះឆាយ ប៉ុកនិងវត្ថុតាងត្រូវ នគរបាលខណ្ឌមានជ័យ បញ្ជូនទៅតុលាការចាត់តាមច្បាប់៕
