ភ្នំពេញ៖ កម្លាំងនគរបាលខណ្ឌបានចាប់ជនសង្ស័យម្នាក់ពាក់ព័ន្ធករណីគ្រឿងញៀននៅក្រុម៦ ភូមិ៣ សង្កាត់ច្រាំងចំរេះ១ ខណ្ឌឫស្សីកែវកាលពីរសៀលថ្ងៃទី៦ ខែកញ្ញា ឆ្នាំ២០២១។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា ជាលទ្ធផលកម្លាំងជំនាញខណ្ឌបានចាប់ជនសង្ស័យម្នាក់ឈ្មោះ សុខ ពិសិដ្ឋ ភេទប្រុស អាយុ២៨ឆ្នាំ ជន នៅភូមិធំ សង្កាត់ពញាពន់ ខណ្ឌព្រែកព្នៅ រាជធានីភ្នំពេញ មុខរបរកម្មករសំណង់ ។
វត្ថុតាងដកហូតមានម្សៅក្រាមពណ៌សថ្លាសង្ស័យជាគ្រឿងញៀន១កញ្ចប់។
កម្លាំងជំនាញខណ្ឌកំពុងកសាងសំណុំរឿងបញ្ជូនទៅតុលាការរាជធានីភ្នំពេញដើម្បីអនុវត្តតាមច្បាប់៕
