ភ្នំពេញ៖ម្ចាស់ម៉ូតូនិងពលរដ្ឋក្បែរខាងបាននាំគ្នាចាប់ចោរម្នាក់ដែលឃើញម៉ូតូម្ចាស់ភ្លេចដកសោបញ្ឆេះប្រុងជិះចេញទៅតែត្រូវចាប់បាននៅមុខផ្សារកាណាស៊ីធីខណ្ឌពោធិ៍សែនជ័យនៅព្រឹកថ្ងៃព្រឹកទី៦ ខែកញ្ញា ឆ្នាំ២០២១។
ជនសង្ស័យឈ្មោះប៉ែន ស្រស់ ភេទប្រុសអាយុ១៧ឆ្នាំស្នាក់នៅមិនពិតប្រាកដ។មុនកើតហេតុបុរសម្នាក់បានជិះម៉ូតូមកឈប់នៅមុខហាងបិទស្កុតម៉ូតូមួយកន្លែង ហើយក៏ចុះពីលើម៉ូតូដោយមិនបានដកសោចេញទេ។ពេលនោះស្រាប់តែមានជនសង្ស័យម្នាក់មកឡើងជិះម៉ូតូបញ្ឆេះប្រុងចេញទៅ តែម្ចាស់ម៉ូតូឃើញទាន់ក៏ស្រែកឆោឡោផ្អើលដល់អ្នកជិតខាងដេញចាប់បានប្រគល់ជូនសមត្ថកិច្ច។
បច្ចុប្បន្ន សមត្ថកិច្ចសាកសួរស្តាប់ចម្លើយនិងកសាងសំណុំរឿងបញ្ជូនទៅផ្នែកព្រហ្មទណ្ឌនៃ នគរបាលខណ្ឌពោធិ៍សែនជ័យដើម្បីចាត់ការបន្ត៕
