ព័ត៌មានអន្តជាតិ

បក្សកុម្មុយនិស្តវៀតណាម បណ្ដេញឧបនាយករដ្ឋមន្ត្រី លោក PhamBinh Minh ចេញពីការិយាល័យនយោបាយ

(ហាណូយ)៖ គណបក្សកុម្មុយនិស្ដវៀតណាម នៅថ្ងៃសុក្រសប្ដាហ៍នេះបានបោះឆ្នោតបណ្ដេញឧបនាយករដ្ឋមន្ត្រី លោក ផាំ បិញ មិញ (Pham Binh Minh) ដែលទទួលបន្ទុកកិច្ចការ គោលនយោបាយការបរទេស ចេញពីការិយាល័យនយោបាយរបស់ខ្លួន និងគណៈកម្មាធិការមជ្ឈិមបក្ស។ នេះបើតាមការចេញផ្សាយដោយសារព័ត៌មាន NIkkei​ នៅថ្ងៃសៅរ៍ ទី៣១ ខែធ្នូ ឆ្នាំ២០២២។

នៅក្នុងថ្ងៃជាមួយគ្នានោះ គណៈកម្មាធិការមជ្ឈិមបក្ស ក៏បានបោះឆ្នោតដកសមាជិកភាពឧបនាយករដ្ឋមន្ត្រី លោក វូ ឌុក ដាំ (Vu Duc Dam) ផងដែរ ដោយមិនបានបញ្ជាក់ពី មូលហេតុអ្វីនោះទេ។ ប៉ុន្តែ ការបោះឆ្នោតនេះកើតមានឡើងចំពេលគណបក្សកម្មុយនិស្ដវៀតណាម កំពុងដឹកនាំយុទ្ធនាការបោសសម្អាតអំពើពុករលួយដែលជាប់ពាក់ព័ន្ធនឹងការធ្វើមាតុភូមិ និវត្តន៍ពលរដ្ឋវៀតណាម អំឡុងការឆ្លងរាតត្បាតខ្លាំងនៃជំងឺកូវីដ១៩។

គួរបញ្ជាក់ថា លោក ផាំ បិញ មិញ (Pham Binh Minh) មានអាយុ៦៣ឆ្នាំ គឺជាអ្នកការទូតជើងចាស់ម្នាក់ដែលបានចូលបម្រើការឱ្យក្រសួងការបរទេសវៀតណាមក្នុងឆ្នាំ១៩៨១។ លោកធ្លាប់ បានកាន់តំណែងជាច្រើននៅក្នុងវិស័យការទូត មុននឹងត្រូវបានតែងតាំងជាអនុរដ្ឋមន្ត្រីការបរទេសវៀតណាមនៅឆ្នាំ២០០៧ និងជារដ្ឋមន្ត្រីការបរទេសនៅឆ្នាំ២០១១។ លោក ផាំ បិញ មិញ បានក្លាយជាឧបនាយករដ្ឋមន្ត្រីនៅឆ្នាំ២០១៣៕

 

pla

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *