កំពង់ឆ្នាំង:បុរសមេការសំណង់ម្នាក់ត្រូវចរន្តខ្សែភ្លើងឆក់បណ្ដាលឱ្យស្លាប់ពេលបញ្ជូនដល់មន្ទីពេទ្យ។ហេតុការណ៍នេះបានកើតឡើងនៅក្នុងភូមិផ្សារឆ្នាំងសង្កាត់ផ្សារឆ្នាំងក្រុង/ខេត្តកំពង់ឆ្នាំងកាលពីរសៀលថ្ងៃទី២០ខែកញ្ញាឆ្នាំ២០២០។
មន្ត្រីនគរបាលក្រុងកំពង់ឆ្នាំងបានឱ្យដឹងនៅថ្ងៃទី២១ខែកញ្ញាឆ្នាំ២០២០ថាៈជនរងគ្រោះឈ្មោះយ័នយ៉ីមភេទប្រុសអាយុ៣១ឆ្នាំជាមេការសំណង់និងនៅក្នុងភូមិទី៧សង្កាត់ខ្សាមក្រុងនិងខេត្តកំពង់ឆ្នាំង។ប្រភពដដែលបានបន្តថាៈនៅមុនពេលកើតហេតុជនរងគ្រោះបានឡើងធ្វើដំបូលផ្ទះនិងតអំពូលភ្លើងនៅលើពិដានផ្ទះជាន់ខាងលើកម្ពស់៦ម៉ែត្របណ្ដាលឱ្យខ្សែភ្លើងឆក់រួចក៏ធ្លាក់មកក្រោម។
ក្រោយការឆក់មនុស្សធ្លាក់ពីលើដំបូលផ្ទះហើយត្រូវបានដឹកយកទៅធ្វើការសង្គ្រោះបន្ទាន់នៅមន្ទីរពេទ្យបង្អែកខេត្ត។ប៉ុន្តែជាអកុសល់នៅពេលដែលបញ្ជូនទៅដល់មន្ទីរពេទ្យជនរងគ្រោះបានស្លាប់ក៏ត្រូវបានដឹកត្រឡប់យកមកលំនៅស្ថានវិញ៕
