សៀមរាប:បុរសម្នាក់ទៅបង់ត្រីស្ពាយសំណាញ់ដើរឆ្លងកាត់ទឹកកំពុងហូរគួចខ្លាំងបណ្តាលឱ្យលង់ស្លាប់។ហេតុការណ៍នេះបានកើតឡើងនៅចំណុចច្រកទ្វារទឹកខាងកើតបារាយណ៍ភូមិគោកតាចាន់សង្កាត់គោកចកក្រុងសៀមរាបខេត្តសៀមរាបកាលពីរសៀលថ្ងៃទី២០ខែកញ្ញាឆ្នាំ២០២០។
លោកវរសេនីយ៍ឯកណុបសារ៉ាក់អធិការនគរបាលក្រុងសៀមរាបបានឱ្យដឹងនៅព្រឹកថ្ងៃទី២១ ខែកញ្ញានេះថាៈជនរងគ្រោះមានឈ្មោះមែនតុលាភេទប្រុសអាយុ១៨ឆ្នាំរស់នៅភូមិគោកតាចាន់សង្កាត់គោកចកក្រុងសៀមរាបខេត្តសៀមរាប។លោកបានបន្តថានៅមុនពេលកើតហេតុជនរងគ្រោះបានចេញទៅរកបង់ត្រីដោយមានស្ពាយសំណាញ់ហើយបានដើរទៅចំណុចច្រកទ្វារទឹកខាងកើតបារាយណ៍ដោយសារទឹកកំពុងតែហូរខ្លាំងហើយមានស្ពាយសំណាញ់ជាប់ជាមួយខ្លួនផងនោះបណ្តាលឱ្យទឹកគួចលង់ស្លាប់។
លោកបានបញ្ជាក់ទៀតថាបន្ទាប់ពីទទួលបានព័ត៌មានថាមានមនុស្សលង់ទឹកស្លាប់កម្លាំងនគរបាលស្ដិ៍សង្កាត់គោកនិងប្រជាការពារបានចុះមកស្រាវជ្រាវសាកសួរបំភ្លឺនៅកន្លែងកើតហេតុនិងមុជតាមរកសពរបស់បុរសរងគ្រោះ។រហូតដល់វេលាទៀបភ្លឺថ្ងៃទី២១ខែកញ្ញាឆ្នាំ២០២០នេះទើបកម្លាំងស្វែងរកសពរបស់ជនរងគ្រោះឃើញ៕