ឧត្តរមានជ័យ៖ប្រភពពីមន្ត្រីក្រសួងធនធានទឹកនឹងឧតុនិយមបានឱ្យដឹងថាស្ថានភាពទឹកនៅអាងទឹកតាម៉ុកមានកម្ពស់ទឹកក្នុងអាង ៤,១០ម៉ែត្រកាលពីវេលាម៉ោង ៦:០០នាទីល្ងាច នៅថ្ងៃទី២០ ខែកញ្ញា ឆ្នាំ២០២០ ។បើធៀបវេលាម៉ោង៦:៣០នាទីព្រឹកគឺកើនឡើង០,១៥ម៉ែត្រ។
ប្រភពដដែល បានបន្តថា ការចរាចរណ៍រថយន្តធុនធ្ងន់ត្រូវបានផ្អាកជាបណ្ដោះអាសន្ន ។ ចំណែកលំនៅស្ថានប្រជាពលរដ្ឋពុំមានរងផលប៉ះពាល់ទេ។ជាមួយគ្នានោះកម្លាំងមន្ទីរនិងខេត្តអាជ្ញាធរដែនដី,កងកម្លាំងប្រដាប់អាវុធទាំង៣បានត្រៀមលក្ខណៈអន្តរាគមន៍រួចជាស្រេចដើម្បីជួយប្រជាពលរដ្ឋពេលជួបបញ្ហា។ក្រសួងធនធានទឹកបានអំពាវនាវដល់ប្រជាពលរដ្ឋដែលរស់នៅជុំវិញផ្នែកខាងលើនិងខាងក្រោមអាងទឹកតាម៉ុកស្ថិតនៅឃុំអន្លង់ស្រុកអន្លង់វែងខេត្តឧត្តរមានជ័យត្រូវមានការប្រុងប្រយ័ត្នខ្ពស់ ជៀសវាងគ្រោះថ្នាក់ដោយប្រការណាមួយជាយថាហេតុ។
គួរបញ្ជាក់ថាកម្ពស់ទឹកដែលត្រូវប្រកាសឱ្យមានការប្រុងប្រយ័ត្នគឺកម្ពស់៣,៨០ម៉ែត្រនិងប្រកាសអាសន្នវិញគឺ ៤,២០ម៉ែត្រ៕