ភ្នំពេញ៖គ្រោះថ្នាក់ចរាចរណ៍រវាងរថយន្តហ្វតរ៉េបទ័របុកជាមួយផាស្អេបពេញទំហឹងបណ្តាលឱ្យក្រឡាប់រងរបួសធ្ងន់២នាក់ត្រូវបានដឹកទៅមន្ទីរពេទ្យសង្គ្រោះបន្ទាន់។
ហេតុការណ៍នោះបានកើតឡើងនៅតាមផ្លូវ២៩៤ សង្កាត់ទន្លេបាសាក់ ខណ្ឌចម្ការមនកាលពីរំលងអធ្រាត្រចូលថ្ងៃទី២៨ តុលាឆ្នាំ២០២២។កម្លាំងប្រចាំការគោលដៅបានប្រាប់ឱ្យដឹងថា មុនកើតហេតុរថយន្តម៉ាកហ្វតរ៉េបទ័រផ្លាកលេខភ្នំពេញ 2BH-3339 បើកតាមផ្លូវលេខ២៩៤។
មកដល់ត្រង់កន្លែងខាងលើបានបុកគ្នាជាមួយ ផាស្អេបពេញទំហឹង បណ្តាលឱ្យម៉ូតូផាស្អេបក្រឡាប់រងការខូចខាតយ៉ាងដំណំនិងបង្កឱ្យមនុស្សរងរបួសធ្ងន់២នាក់។បន្ទាប់មកសមត្ថកិច្ចផ្នែកចរាចរណ៍បានចុះមកជួយអន្តរាគមន៍និងមានចំណាត់ការតាមនីតិវិធី៕
