កំពង់ស្ពឺ៖គ្រោះថ្នាក់ចរាចរណ៍មួយបានកើតឡើងរវាងរថយន្តបុកជាមួយម៉ូតូបណ្តាលឱ្យមនុស្សម្នាក់ស្លាប់។ហេតុការណ៍នេះកើតឡើងនៅលើផ្លូវជាតិលេខ៤ ចន្លោះគីឡូម៉ែត្រលេខ៨៣ .៨៤ ត្រង់ចំណុចភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កាលពីព្រឹកថ្ងៃទី២១ ខែសីហា ឆ្នាំ២០២០។
មន្ត្រីនគរបាលស្រុកភ្នំស្រួចបានឱ្យដឹងថាមុនកើតហេតុគេឃើញរថយន្តម៉ាក់ហ៊ីយ៉ាន់ដាយស្តារិចពណ៌សលាយទឹកប៊ិចពាក់ស្លាកលេខភ្នំពេញ2BF2271។អ្នកបើកបរមិនស្គាល់អត្តសញ្ញាណក្រោយកើតហេតុចុះរត់គេចខ្លួនបាត់។មកដល់ចំណុចខាងលើបានបុកជាមួយម៉ូតូមួយគ្រឿងម៉ាកហុងដាសេ១២៥ពណ៌ខ្មៅ ពាក់ស្លាកលេខ ភ្នំពេញ 1GW-3640។
ប្រភពបានបន្តថាអ្នកបើកបរឈ្មោះចិនរតនាភេទប្រុសអាយុ២៤ឆ្នាំមានមុខរបរលក់សាច់ពិសេស(សាច់ឆ្កែ)នៅភូមិទី២ឃុំត្រែងត្រយឹងស្រុកភ្នំស្រួចក្នុងទិសដៅបញ្ច្រាស់គ្នាបណ្តាលឱ្យអ្នកបើកបរម៉ូតូស្លាប់។ក្រោយកើតហេតុមន្ត្រីនគរបាលជំនាញបានយករថយន្តនិងម៉ូតូយករក្សាទុកនៅអធិការដ្ឋានរង់ចាំដោះស្រាយនៅពេលក្រោយ៕