ព័ត៌មានអន្តជាតិ

រថយន្តបុកគ្នានៅថៃ ពលករខ្មែរស្លាប់៣ នាក់ និងរបួសធ្ងន់៤នាក់

បាងកក៖គ្រោះថ្នាក់ចរាចរណ៍ដោយរថយន្តបុកគ្នានៅប្រទេសថៃបណ្តាលឱ្យពលករខ្មែរស្លាប់៣នាក់និងរបួសធ្ងន់៤នាក់។
ហេតុការណ៍គួរឱ្យរន្ធត់នេះបានកើតឡើងលើផ្លូវលេខ៣៥៩ ក្នុងស្រុកសិរីមហាពោធិ៍ ខេត្តប្រាជីនបូរី ប្រទេសថៃកាលពីយប់ថ្ងៃទី២០ខែកុម្ភៈ ឆ្នាំ២០២២។
សាក្សីបានបញ្ជាក់ថា មុនកើតហេតុមានរថយន្ត ម៉ាកនីសាន់ណាវ៉ារ៉ា បើកបរដោយជនជាតិថៃ មកដឹកពលករខ្មែរចំនួន៧នាក់ ពីស្រុកអារញ្ញប្រាថេត ។លុះដល់ត្រង់កន្លែងកើតហេតុ ដោយសារតែរថយន្តមានល្បឿនលឿន និង ដោយយប់ ងងឹតផងនោះ ធ្វើឱ្យរថយន្តបានបុកពីក្រោយ រថយន្តសណ្តោង បណ្តាលឱ្យអ្នកបើកបរ ជនជាតិថៃ និងពលករខ្មែរ៣នាក់ បានស្លាប់។
រី ឯពលករ៤នាក់ទៀតរងរបួសធ្ងន់ ។បច្ចុប្បន្នសមត្ថកិច្ចថៃ កំពុងស្រាវជ្រាវ រកសាច់ញាតិ និងក្រុមគ្រួសារសពដើម្បីបញ្ជូន មកស្រុក កំណើតវិញ៕

pla

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *